ਐਸ. ਏ. ਐਸ ਨਗਰ, 14 ਜਨਵਰੀ:ਜ਼ਿਲ੍ਹਾ ਐਸ.ਏ.ਐਸ. ਨਗਰ ਪੁਲਿਸ ਦੇ ਸੀ.ਆਈ.ਏ. ਸਟਾਫ ਦੀ ਟੀਮ ਵੱਲੋਂ 03 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਉਹਨਾਂ ਪਾਸੋਂ ਕਾਰ ਮਾਰਕਾ ਟਾਟਾ ਸਫਾਰੀ ਵਿੱਚੋਂ 03 ਨਜਾਇਜ ਹਥਿਆਰ ਸਮੇਤ ਕਾਰਤੂਸ ਬ੍ਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।ਐੱਸ ਐੱਸ ਪੀ ਹਰਮਨਦੀਪ ਸਿੰਘ ਹਾਂਸ ਨੇ ਅੱਜ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਦੱਸਿਆ ਕਿ ਮਿਤੀ 12-01-2026 ਨੂੰ ਸੀ.ਆਈ.ਏ. ਸਟਾਫ ਦੀ ਪੁਲਿਸ ਪਾਰਟੀ ਨੇੜੇ ਪਿੰਡ ਖਾਨਪੁਰ, ਖਰੜ੍ਹ ਮੌਜੂਦ ਸੀ। ਜਿੱਥੇ ਸੀ.ਆਈ.ਏ. ਸਟਾਫ ਦੀ ਪੁਲਿਸ ਪਾਰਟੀ ਨੂੰ ਮੁਖਬਰੀ ਮਿਲ਼ੀ ਕਿ ਸਹਿਜਪ੍ਰੀਤ ਸਿੰਘ ਪੁੱਤਰ ਸਮਰਜੀਤ ਸਿੰਘ ਵਾਸੀ ਪਿੰਡ ਸਫਾਰੀ ਵਿੰਡ ਜ਼ਿਲ੍ਹਾ ਅੰਮ੍ਰਿਤਸਰ ਹਾਲ ਵਾਸੀ ਮਕਾਨ ਨੰ: 487 ਸੰਨੀ ਅਰਬਨ ਹੋਮਜ਼ ਖਰੜ੍ਹ, ਅਮਨਪ੍ਰੀਤ ਸਿੰਘ ਉਰਫ ਆਸ਼ੂ ਪੁੱਤਰ ਸਪਿੰਦਰ ਸਿੰਘ ਪਿੰਡ ਰਾਏਪੁਰ ਕਲਾਂ, ਜਿਲਾ ਮੋਹਾਲ਼ੀ ਅਤੇ ਸਚਿਨ ਸਿੰਘ ਪੁੱਤਰ ਗੁਰਦੀਪ ਸਿੰਘ ਵਾਸੀ ਪਿੰਡ ਮੋਹਕਮ ਰਾਏ ਜ਼ਿਲ੍ਹਾ ਫਾਜਿਲਕਾ ਹਾਲ ਵਾਸੀ ਮਕਾਨ ਨੰ: 483 ਫਸਟ ਫਲੋਰ ਸੰਨੀ ਅਰਬਨ ਹੋਮਜ਼, ਖਰੜ੍ਹ, ਪਾਸ ਨਜਾਇਜ ਹਥਿਆਰ ਹਨ ਤੇ ਨਜਾਇਜ ਹਥਿਆਰਾਂ ਨਾਲ਼ ਕਿਸੇ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਕਾਰ ਨੰ: UP16-DV-6539 ਮਾਰਕਾ ਟਾਟਾ ਸਫਾਰੀ ਵਿੱਚ ਸਵਾਰ ਹੋ ਕੇ ਅਮਾਇਰਾ ਗਰੀਨਜ ਖਰੜ-ਕੁਰਾਲ਼ੀ ਰੋਡ ਵਾਲ਼ੀ ਸਾਈਡ ਘੁੰਮ ਰਹੇ ਹਨ। ਜਿਸ ਤੇ ਉਕਤ ਦੋਸ਼ੀਆਂ ਵਿਰੁੱਧ ਮੁਕੱਦਮਾ ਨੰ: 15 ਮਿਤੀ 12-01-2026 ਅ/ਧ 25-54-59 ਆਰਮਜ਼ ਐਕਟ ਥਾਣਾ ਸਿਟੀ ਖਰੜ੍ਹ ਦਰਜ ਰਜਿਸਟਰ ਕੀਤਾ ਗਿਆ। ਦੋਸ਼ੀਆਂ ਨੂੰ ਨੇੜੇ ਅਮਾਇਰਾ ਗਰੀਨਜ ਸੋਸਾਇਟੀ ਖਰੜ ਤੋਂ ਗ੍ਰਿਫਤਾਰ ਕਰਕੇ ਨਜਾਇਜ ਅਸਲਾ ਅਤੇ ਐਮੂਨੀਸ਼ਨ ਬ੍ਰਾਮਦ ਕੀਤਾ ਗਿਆ।ਨਾਮ ਪਤਾ ਦੋਸ਼ੀਆਂ:-1. ਦੋਸੀ ਸਚਿਨ ਸਿੰਘ ਪੁੱਤਰ ਗੁਰਦੀਪ ਸਿੰਘ ਵਾਸੀ ਪਿੰਡ ਮੋਹਕਮ ਰਾਏ ਥਾਣਾ ਜਲਾਲਾਬਾਦ, ਜਿਲਾ ਫਾਜਿਲਕਾ ਹਾਲ ਵਾਸੀ ਮਕਾਨ ਨੰ: 483 ਸੰਨੀ ਅਰਬਨ ਹੋਮਜ ਖਰੜ੍ਹ, ਥਾਣਾ ਸਿਟੀ ਖਰੜ੍ਹ, ਜਿਲ੍ਹਾ ਐਸ.ਏ.ਐਸ. ਨਗਰ ਜਿਸਦੀ ਉਮਰ ਕ੍ਰੀਬ 22 ਸਾਲ ਹੈ, ਜੋ ਬਾਰਾਂ ਕਲਾਸਾਂ ਪਾਸ ਹੈ ਅਤੇ ਅਨ-ਮੈਰਿਡ ਹੈ। ਦੋਸ਼ੀ ਦੇ ਖਿਲਾਫ ਥਾਣਾ ਮਲੋਆ ਚੰਡੀਗੜ ਵਿਖੇ ਲੜਾਈ ਝਗੜੇ ਦਾ ਮੁਕੱਦਮਾ ਦਰਜ ਹੈ।2. ਦੋਸ਼ੀ ਸਹਿਜਪ੍ਰੀਤ ਸਿੰਘ ਪੁੱਤਰ ਸਮਰਜੀਤ ਸਿੰਘ ਵਾਸੀ ਪਿੰਡ ਸਫਾਰੀ ਵਿੰਡ, ਥਾਣਾ ਮਜੀਠਾ, ਜਿਲਾ ਅੰਮ੍ਰਿਤਸਰ ਹਾਲ ਵਾਸੀ ਮਕਾਨ ਨੰ: 487 ਸੰਨੀ ਅਰਬਨ ਹੋਮਜ ਖਰੜ, ਥਾਣਾ ਸਿਟੀ ਖਰੜ, ਜਿਲਾ ਐਸ.ਏ.ਐਸ. ਨਗਰ ਜਿਸਦੀ ਉਮਰ ਕ੍ਰੀਬ 20 ਸਾਲ ਹੈ, ਜੋ ਬਾਰਾਂ ਕਲਾਸਾ ਪਾਸ ਹੈ ਅਤੇ ਅਨ-ਮੈਰਿਡ ਹੈ। ਦੋਸ਼ੀ ਦੇ ਖਿਲਾਫ ਪਹਿਲਾਂ ਕੋਈ ਮੁਕੱਦਮਾ ਦਰਜ ਨਹੀਂ ਹੈ।3. ਦੋਸ਼ੀ ਅਮਨਪ੍ਰੀਤ ਸਿੰਘ ਉਰਫ ਆਸ਼ੂ ਪੁੱਤਰ ਸਪਿੰਦਰ ਸਿੰਘ ਵਾਸੀ ਪਿੰਡ ਰਾਏਪੁਰ ਕਲਾਂ ਥਾਣਾ ਸੋਹਾਣਾ, ਜਿਲਾ ਐਸ.ਏ.ਐਸ. ਨਗਰ ਜਿਸਦੀ ਉਮਰ ਕ੍ਰੀਬ 20 ਸਾਲ ਹੈ, ਜੋ ਬਾਰਾਂ ਕਲਾਸਾਂ ਪਾਸ ਹੈ ਅਤੇ ਅਨ-ਮੈਰਿਡ ਹੈ। ਦੋਸ਼ੀ ਦੇ ਖਿਲਾਫ ਪਹਿਲਾਂ ਕੋਈ ਮੁਕੱਦਮਾ ਦਰਜ ਨਹੀਂ ਹੈ।ਬ੍ਰਾਮਦਗੀ ਦਾ ਵੇਰਵਾ:-1. ਇੱਕ ਪਿਸਟਲ .32 ਬੋਰ ਸਮੇਤ 02 ਜਿੰਦਾ ਰੌਂਦ .32 ਬੋਰ2. ਇੱਕ ਪਿਸਟਲ .315 ਬੋਰ ਸਮੇਤ 02 ਜਿੰਦਾ ਰੌਂਦ .315 ਬੋਰ3. ਇੱਕ ਪਿਸਟਲ .12 ਬੋਰ ਸਮੇਤ 02 ਜਿੰਦਾ ਰੌਂਦ .12 ਬੋਰ4. ਕਾਰ ਨੰ: UP16-DV-6539 ਟਾਟਾ ਸਫਾਰੀਦੋਸ਼ੀਆਂ ਦੀ ਪੁੱਛਗਿੱਛ ਤੋਂ ਖੁਲਾਸਾ ਹੋਇਆ ਕਿ ਤਿੰਨੇ ਦੋਸ਼ੀਆਂ ਨੇ ਇੱਕ ਸਥਾਨਕ ਵਿਦਿਅਕ ਸੰਸਥਾ ਵਿੱਚ ਪੜਾਈ ਕੀਤੀ ਹੈ, ਜਿਸ ਕਰਕੇ ਤਿੰਨੋਂ ਇੱਕ ਦੂਸਰੇ ਨੂੰ ਜਾਣਦੇ ਸਨ। ਜਿਨ੍ਹਾਂ ਨੇ ਆਪਸੀ ਰੰਜਿਸ਼ ਦੇ ਚੱਲਦੇ ਮਹੀਨਾ ਅਗਸਤ ਸਾਲ 2025 ਵਿੱਚ ਇਹ ਹਥਿਆਰ ਰਾਮਪੁਰ, ਯੂ.ਪੀ. ਤੋਂ ਲੈ ਕੇ ਆਏ ਸੀ। ਦੋਸ਼ੀ ਪੁਲਿਸ ਰਿਮਾਂਡ ਅਧੀਨ ਹਨ। ਜਿਨਾਂ ਪਾਸੋਂ ਹੋਰ ਵੀ ਬ੍ਰਾਮਦਗੀ ਹੋਣ ਦੀ ਉਮੀਦ ਹੈ।