ਮੁੰਬਈ : ਬਾਲੀਵੁੱਡ 'ਚ ਆਪਣੇ ਅੰਦਾਜ਼ ਤੇ ਅਦਾਕਾਰੀ ਨਾਲ ਲੋਕਾਂ ਦਾ ਦਿਲ ਜਿੱਤਣ ਵਾਲੀ ਬਾਲੀਵੁੱਡ ਦੀ ਬੇਬੋ ਹੁਣ ਜਲਦ ਹੀ OTT ਪਲੇਟਫਾਰਮ 'ਤੇ ਡੈਬਿਊ ਕਰਨ ਜਾ ਰਹੀ ਹੈ। ਉਹ ਜਲਦੀ ਹੀ ਨੈੱਟਫਲਿਕਸ ਫਿਲਮ 'ਦਿ ਡਿਵੋਸ਼ਨ ਆਫ ਸਸਪੈਕਟ ਐਕਸ' 'ਚ ਨਜ਼ਰ ਆਵੇਗੀ। ਜਿਸ ਦੀ ਸ਼ੂਟਿੰਗ ਅਦਾਕਾਰਾ ਨੇ ਸ਼ੁਰੂ ਕਰ ਦਿੱਤੀ ਹੈ। ਉਹ ਪੱਛਮੀ ਬੰਗਾਲ ਦੇ ਕਲੀਮਪੋਂਗ ਵਿੱਚ ਆਪਣੀ OTT ਡੈਬਿਊ ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਹੈ। ਜਿਸ ਦੀਆਂ ਕਈ ਝਲਕੀਆਂ ਅਦਾਕਾਰਾ ਨੇ ਹੁਣ ਤੱਕ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ। ਹਾਲ ਹੀ 'ਚ ਕਰੀਨਾ ਕਪੂਰ ਖਾਨ ਨੇ ਟੀਮ ਨਾਲ ਡਿਨਰ ਕਰਦੇ ਸਮੇਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਹ ਬਿਨਾਂ ਮੇਕਅੱਪ ਲੁੱਕ 'ਚ ਨਜ਼ਰ ਆ ਰਹੀ ਹੈ। ਕਰੀਨਾ ਕਪੂਰ ਖਾਨ ਨੇ ਆਪਣੀ ਇੰਸਟਾ ਸਟੋਰੀ 'ਤੇ ਦਿ ਡਿਵੋਸ਼ਨ ਆਫ ਸਸਪੈਕਟ ਐਕਸ ਦੀ ਟੀਮ ਨਾਲ ਡਿਨਰ ਦਾ ਆਨੰਦ ਲੈਂਦੇ ਹੋਏ ਕਈ ਤਸਵੀਰਾਂ ਪੋਸਟ ਕੀਤੀਆਂ ਹਨ। ਪਹਿਲੀ ਤਸਵੀਰ 'ਚ ਜਿੱਥੇ ਕਰੀਨਾ ਨੇ ਆਪਣੇ ਖਾਣੇ ਦੀ ਤਸਵੀਰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ, ਉੱਥੇ ਹੀ ਦੂਜੀ ਤਸਵੀਰ 'ਚ ਉਹ ਗਰੁੱਪ ਨਾਲ ਨਜ਼ਰ ਆ ਰਹੀ ਹੈ।