ਭਾਜਪਾ ਨੇ 2027 ਦੀਆਂ ਪੰਜਾਬ ਚੋਣਾਂ ਇਕੱਲਿਆਂ ਲੜਨ ਦਾ ਐਲਾਨ ਕਰਕੇ ਸਿਆਸੀ ਹਲਚਲ ਵਧਾ ਦਿੱਤੀ ਹੈ। ਵੋਟ ਫੀਸਦੀ ਵਿੱਚ ਸੁਧਾਰ ਦੇ ਬਾਵਜੂਦ, ਬਹੁਮਤ ਲਈ ਪੇਂਡੂ ਖਿੱਤੇ ਅਤੇ ਕਿਸਾਨੀ ਰੋਸ ਨੂੰ ਜਿੱਤਣਾ ਵੱਡੀ ਚੁਣੌਤੀ ਰਹੇਗਾ।

ਮੋਗਾ ਰੈਲੀ ਤੋਂ ਪਹਿਲਾਂ AAP ਪੰਜਾਬ ਪ੍ਰਧਾਨ ਅਮਨ ਅਰੋੜਾ ਨੇ ਅਮਿਤ ਸ਼ਾਹ ਨੂੰ 8 ਸਵਾਲ ਪੁੱਛਦੇ ਹੋਏ ਰੋਕੇ ਫੰਡਾਂ, GST ਨੁਕਸਾਨ, ਹੜ੍ਹ ਰਾਹਤ ਅਤੇ ਨਸ਼ਿਆਂ ਦੇ ਮਸਲੇ ’ਤੇ ਕੇਂਦਰ ਤੋਂ ਜਵਾਬ ਮੰਗੇ।

ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਮੋਗਾ ਦੇ ਕਿਲੀ ਚਾਹਲਾਂ ਵਿੱਚ ਵੱਡੀ “ਬਦਲਾਵ ਰੈਲੀ” ਨੂੰ ਸੰਬੋਧਨ ਕਰਦਿਆਂ 2027 ਪੰਜਾਬ ਵਿਧਾਨ ਸਭਾ ਚੋਣਾਂ ਲਈ ਭਾਜਪਾ ਦੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਰੈਲੀ ਵਿੱਚ ਲਗਭਗ 1 ਲੱਖ ਲੋਕਾਂ ਦੀ ਭੀੜ ਦੀ ਉਮੀਦ ਜਤਾਈ ਗਈ ਅਤੇ 3,700 ਬੱਸਾਂ ਰਾਹੀਂ ਸਮਰਥਕ ਲਿਆਂਦੇ ਗਏ। ਭਾਜਪਾ ਨੇ ਨਸ਼ਿਆਂ, ਕਾਨੂੰਨ-ਵਿਵਸਥਾ ਅਤੇ ਗਵਰਨੈਂਸ ਦੇ ਮੁੱਦਿਆਂ ‘ਤੇ AAP ਸਰਕਾਰ ਨੂੰ ਘੇਰਨ ਦੀ ਕੋਸ਼ਿਸ਼ ਕੀਤੀ।