ਪੰਜਾਬ ਬਜਟ ਵਿੱਚ ਸਿੱਖਿਆ ਨੂੰ ਪਹਿਲ: ₹17,975 ਕਰੋੜ ਅਲਾਟ; ‘ਸਕੂਲ ਆਫ਼ ਐਮੀਨੈਂਸ’ ਅਤੇ PM-SHRI 'ਤੇ ਰਿਹਾ ਫੋਕਸ
ਪੰਜਾਬ ਸਰਕਾਰ ਨੇ ਆਪਣੇ ਨਵੇਂ ਬਜਟ ਵਿੱਚ ਸਿੱਖਿਆ ਖੇਤਰ ਲਈ ₹17,975 ਕਰੋੜ (ਕੁੱਲ ਬਜਟ ਦਾ 12%) ਦਾ ਵੱਡਾ ਐਲਾਨ ਕੀਤਾ ਹੈ। ਇਸ ਵਿੱਚ ਸਰਕਾਰ ਦੇ ਪ੍ਰਮੁੱਖ'ਸਕੂਲ ਆਫ਼ ਐਮੀਨੈਂਸ' (SoE) ਪ੍ਰੋਜੈਕਟ ਲਈ ₹100 ਕਰੋੜ ਰੱਖੇ ਗਏ ਹਨ। ਇਸਤੋਂ ਇਲਾਵਾ, ਕੇਂਦਰ ਸਰਕਾਰ ਨਾਲ ਚੱਲ ਰਹੇ ਵੱਡੇ ਸਿਆਸੀ ਵਿਵਾਦ ਨੂੰ ਖਤਮ ਕਰਦਿਆਂ, ਪੰਜਾਬ ਸਰਕਾਰ ਨੇ ਕੇਂਦਰੀ PM-SHRI ਸਕੀਮ ਲਈ ਵੀ ₹220 ਕਰੋੜ ਅਲਾਟ ਕੀਤੇ ਹਨ, ਜਿਸ ਨਾਲ ਰੁਕੇ ਹੋਏ ‘ਸਮਗਰ ਸਿੱਖਿਆ’ ਫੰਡਾਂ ਦਾ ਰਸਤਾ ਸਾਫ਼ ਹੋ ਗਿਆ ਹੈ। ਇਹ ਬਜਟ ਪੰਜਾਬ ਦੇ ਸਰਕਾਰੀ ਸਕੂਲਾਂ ਦੇ ਬੁਨਿਆਦੀ ਢਾਂਚੇ ਅਤੇ ਸਿੱਖਿਆ ਮਿਆਰ ਨੂੰ ਉੱਚਾ ਚੁੱਕਣ 'ਤੇ ਕੇਂਦਰਿਤ ਹੈ।