Shah Rukh Khan 59th Birthday: ਬਾਲੀਵੁੱਡ ਦੇ ਕਿੰਗ ਖਾਨ, ਸ਼ਾਹਰੁਖ ਖਾਨ ਆਪਣੇ ਹਰ ਜਨਮਦਿਨ 'ਤੇ ਮੁੰਬਈ ਸਥਿਤ ਆਪਣੇ ਘਰ ਦੇ ਬਾਹਰ ਆਪਣੇ ਪ੍ਰਸ਼ੰਸਕਾਂ ਨੂੰ ਮਿਲਣ ਲਈ ਜਾਣੇ ਜਾਂਦੇ ਹਨ। ਹੁਣ, ਸ਼ਾਹਰੁਖ ਖਾਨ 2 ਨਵੰਬਰ ਨੂੰ ਆਪਣਾ 59ਵਾਂ ਜਨਮਦਿਨ ਮਨਾਉਣ ਦੀ ਤਿਆਰੀ ਕਰ ਰਹੇ ਹਨ, ਅਤੇ ਇਸ ਸਾਲ ਦੇ ਜਸ਼ਨ ਲਈ ਤੇ ਸਭ ਦੀਆਂ ਨਜ਼ਰਾਂ ਹਨ, ਕਿਉੰਕਿ ਕਿਹਾ ਜਾ ਰਿਹਾ ਹੈ ਕੇ ਸ਼ਾਹਰੁਖ਼ 59 ਜਨਮਦਿਨ ਬੇਹੱਦ ਖਾਸ ਹੋਣ ਵਾਲਾ ਹੈ।
ਇਸ ਸਾਲ, ਜਸ਼ਨ ਹੋਰ ਵੀ ਖਾਸ ਹੋਣ ਦੀ ਉਮੀਦ ਹੈ. ਇੰਡੀਆ ਟੂਡੇ ਦੀ ਰਿਪੋਰਟ ਦੇ ਮੁਤਾਬਕ ਸ਼ਾਹਰੁਖ ਆਪਣਾ 59ਵਾਂ ਜਨਮਦਿਨ ਪਰਿਵਾਰ ਅਤੇ ਫਿਲਮ ਇੰਡਸਟਰੀ ਦੇ ਕਰੀਬੀ ਦੋਸਤਾਂ ਨਾਲ ਮਨਾਉਣਗੇ। ਰਿਪੋਰਟ ਵਿੱਚ ਅੱਗੇ ਦਸਿਆ ਗਿਆ ਹੈ ਕਿ ਸ਼ਾਹਰੁਖ ਦੀ ਪਤਨੀ ਗੌਰੀ ਖਾਨ ਨੇ ਆਪਣੀ ਟੀਮ ਦੇ ਨਾਲ ਇੱਕ ਸ਼ਾਨਦਾਰ ਸ਼ਾਮ ਦੇ ਸਮਾਗਮ ਲਈ 250 ਤੋਂ ਵੱਧ ਲੋਕਾਂ ਨੂੰ ਸੱਦੇ ਭੇਜੇ ਹਨ।
ਰਣਵੀਰ ਸਿੰਘ, ਸੈਫ ਅਲੀ ਖਾਨ, ਕਰੀਨਾ ਕਪੂਰ ਖਾਨ, ਕਰਿਸ਼ਮਾ ਕਪੂਰ, ਆਲੀਆ ਭੱਟ, ਐਟਲੀ, ਜ਼ੋਇਆ ਅਖਤਰ, ਫਰਾਹ ਖਾਨ, ਸ਼ਨਾਇਆ ਕਪੂਰ, ਮਹੀਪ ਕਪੂਰ, ਸ਼ਾਲਿਨੀ ਪਾਸੀ, ਨੀਲਮ ਕੋਠਾਰੀ, ਕਰਨ ਜੌਹਰ, ਅਨਨਿਆ ਪਾਂਡੇ ਤੇ ਹੋਰ ਵੀ ਕਈ ਸਟਾਰਜ਼ ਇਸ ਸ਼ਾਨਦਾਰ ਜਸ਼ਨ ਦਾ ਹਿੱਸਾ ਬਣਨਗੇ। ਇਸ ਤੋਂ ਇਲਾਵਾ, ਅਭਿਨੇਤਾ ਵੱਡੀ ਪਾਰਟੀ ਤੋਂ ਇਲਾਵਾ ਪਰਿਵਾਰ ਅਤੇ ਗੌਰੀ ਦੀ ਮਾਂ ਨਾਲ ਇੰਟੀਮੇਟ ਡਿਨਰ ਕਰਨਗੇ।
ਇਸ ਦਰਮਿਆਨ ਖਬਰਾਂ ਇਹ ਵੀ ਆ ਰਹੀਆਂ ਹਨ ਕਿ ਆਪਣੇ ਜਨਮਦਿਨ ਤੇ ਸ਼ਾਹਰੁਖ ਕੋਈ ਵੱਡਾ ਐਲਾਨ ਕਰ ਸਕਦੇ ਹਨ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕੇ ਓਹ ਆਪਣੀ ਧੀ ਸੁਹਾਨਾ ਖਾਨ ਨਾਲ ਆਪਣੀ ਆਉਣ ਵਾਲੀ ਫਿਲਮ ਦਾ ਐਲਾਨ ਕਰਨਗੇ, ਪਰ ਹਾਲੇ ਇਸ ਖਬਰ ਦੀ ਅਧਿਕਾਰਤ ਪੁਸ਼ਟੀ ਹੋਣਾ ਬਾਕੀ ਹੈ।
ਇਸ ਸਮੇਂ, SRK ਕੰਮ ਲਈ ਆਪਣੇ ਬੱਚਿਆਂ, ਆਰੀਅਨ ਅਤੇ ਸੁਹਾਨਾ ਨਾਲ ਦੁਬਈ ਵਿੱਚ ਹੈ। ਪਰਿਵਾਰ ਦੇ ਦੀਵਾਲੀ ਅਤੇ ਅਭਿਨੇਤਾ ਦਾ ਜਨਮਦਿਨ ਸ਼ਾਨਦਾਰ ਅੰਦਾਜ਼ ਵਿੱਚ ਮਨਾਉਣ ਲਈ ਜਲਦੀ ਹੀ ਮੁੰਬਈ ਵਾਪਸ ਆਉਣ ਦੀ ਉਮੀਦ ਹੈ। ਪ੍ਰਸ਼ੰਸਕ ਇਹ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ ਕਿ ਕਿੰਗ ਖਾਨ ਇਸ ਸਾਲ ਉਨ੍ਹਾਂ ਲਈ ਕੀ ਸਰਪ੍ਰਾਈਜ਼ ਲੈ ਕੇ ਆਏ ਹਨ।