ਨਵੀਂ ਦਿੱਲੀ : ਪੀਐਮ ਨਰਿੰਦਰ ਮੋਦੀ ਦੀ ਕੁੱਲ ਜਾਇਦਾਦ 2.23 ਕਰੋੜ ਰੁਪਏ ਹੈ। ਪ੍ਰਧਾਨ ਮੰਤਰੀ ਕੋਲ ਜੋ ਵੀ ਜਾਇਦਾਦ ਹੈ, ਉਹ ਬੈਂਕਾਂ 'ਚ ਜਮ੍ਹਾਂ ਹੈ। ਇਸ ਨਾਲ ਹੀ ਉਨ੍ਹਾਂ ਕੋਲ ਕੋਈ ਜ਼ਮੀਨ ਜਾਂ ਮਕਾਨ ਨਹੀਂ ਹੈ। ਉਹਨਾਂ ਨੇ ਗੁਜਰਾਤ ਦੀ ਰਾਜਧਾਨੀ ਗਾਂਧੀਨਗਰ ਵਿੱਚ ਜੋ ਜ਼ਮੀਨ ਪਹਿਲਾਂ ਰੱਖੀ ਸੀ, ਉਹ ਦਾਨ ਕਰ ਦਿੱਤੀ ਹੈ। ਪ੍ਰਧਾਨ ਮੰਤਰੀ ਦਫ਼ਤਰ ਦੀ ਵੈੱਬਸਾਈਟ 'ਤੇ ਇਸ ਗੱਲ ਦਾ ਖੁਲਾਸਾ ਕੀਤਾ ਗਿਆ ਹੈ। ਵੈੱਬਸਾਈਟ ਮੁਤਾਬਕ ਪ੍ਰਧਾਨ ਮੰਤਰੀ ਕੋਲ 31 ਮਾਰਚ 2022 ਤੱਕ 35,250 ਰੁਪਏ ਨਕਦ ਸਨ। ਇਸ ਦੇ ਨਾਲ ਹੀ, 9,05,105 ਰੁਪਏ ਨੈਸ਼ਨਲ ਸੇਵਿੰਗ ਸਰਟੀਫਿਕੇਟ (NSC) ਦੇ ਰੂਪ ਵਿੱਚ ਡਾਕਘਰ ਵਿੱਚ ਜਮ੍ਹਾ ਹਨ। ਨਾਲ ਹੀ, 1,89,305 ਰੁਪਏ ਦੀ ਬੀਮਾ ਪਾਲਿਸੀ ਹੈ। ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ ਪੀਐਮ ਮੋਦੀ ਦੀ ਜਾਇਦਾਦ ਵਿੱਚ 26.13 ਲੱਖ ਰੁਪਏ ਦਾ ਵਾਧਾ ਹੋਇਆ ਹੈ। ਪਰ ਇੱਕ ਸਾਲ ਪਹਿਲਾਂ ਉਹਨਾਂ ਕੋਲ 1.1 ਕਰੋੜ ਰੁਪਏ ਦੀ ਅਚੱਲ ਜਾਇਦਾਦ ਸੀ, ਜੋ ਹੁਣ ਨਹੀਂ ਹੈ। ਪ੍ਰਧਾਨ ਮੰਤਰੀ ਦਾ ਬਾਂਡ, ਮਿਉਚੁਅਲ ਫੰਡ ਅਤੇ ਸ਼ੇਅਰਾਂ ਵਿੱਚ ਕੋਈ ਨਿਵੇਸ਼ ਨਹੀਂ ਹੈ। ਪ੍ਰਧਾਨ ਮੰਤਰੀ ਕੋਲ ਨਿੱਜੀ ਕਾਰ ਵੀ ਨਹੀਂ ਹੈ ਪਰ ਉਨ੍ਹਾਂ ਕੋਲ 1.73 ਲੱਖ ਰੁਪਏ ਦੀਆਂ ਚਾਰ ਸੋਨੇ ਦੀਆਂ ਮੁੰਦਰੀਆਂ ਹਨ।
ਪੀਐਮ ਮੋਦੀ ਦੀ ਚੱਲ ਜਾਇਦਾਦ ਵਿੱਚ ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ 26.13 ਲੱਖ ਰੁਪਏ ਦਾ ਵਾਧਾ ਹੋਇਆ ਹੈ, ਪਰ ਹੁਣ ਉਹ ਅਚੱਲ ਜਾਇਦਾਦ ਦੇ ਮਾਲਕ ਨਹੀਂ ਹਨ ਜੋ 31 ਮਾਰਚ, 2021 ਨੂੰ 1.1 ਕਰੋੜ ਰੁਪਏ ਦੀ ਸੀ। ਪ੍ਰਧਾਨ ਮੰਤਰੀ ਦਫ਼ਤਰ (PMO) ਦੀ ਵੈੱਬਸਾਈਟ 'ਤੇ ਅਪਲੋਡ ਕੀਤੇ ਵੇਰਵਿਆਂ ਅਨੁਸਾਰ 31 ਮਾਰਚ, 2022 ਤੱਕ ਉਸਦੀ ਕੁੱਲ ਜਾਇਦਾਦ 2,23,82,504 ਰੁਪਏ ਹੈ।