ਮੰਬਈ: women’s Premier League 2026 ਦੇ ਸੀਜ਼ਨ 4 ਵਿੱਚ ਅੱਜ ਪਹਿਲੀ ਵਾਰ ਇੱਕ ਡਬਲਹੈਡਰ ਖੇਡਿਆ ਜਾ ਰਿਹਾ ਹੈ , ਜਿਸ ਨੇ ਟੂਰਨਾਮੈਂਟ ਵਿੱਚ ਉਤਸ਼ਾਹ ਅਤੇ ਮੁਕਾਬਲੇ ਨੂੰ ਹੋਰ ਵਧਾ ਦਿੱਤਾ ਹੈ। ਇੱਕੋ ਦਿਨ ਹੋਣ ਵਾਲੇ ਦੋ ਮੈਚ ਪੁਆਇੰਟ ਟੇਬਲ ਦੇ ਨਜ਼ਰੀਏ ਤੋਂ ਬਹੁਤ ਅਹਿਮ ਮੰਨੇ ਜਾ ਰਹੇ ਹਨ।
ਡਬਲਹੈਡਰ ਦਾ ਪਹਿਲਾ ਮੈਚ ਦੁਪਹਿਰ 3:30 ਵਜੇ ਯੂਪੀ ਵਾਰੀਅਰਜ਼ ਬਨਾਮ ਗੁਜਰਾਤ ਜੁਆਇੰਟਸ ਵਿਚਕਰ ਸ਼ੁਰੂ ਹੋਵੇਗਾ, ਜਦਕਿ ਦੂਜਾ ਮੈਚ ਸ਼ਾਮ 7:30 ਵਜੇ ਮੁੰਬਈ ਇੰਡੀਅਨਜ਼ ਬਨਾਮ ਦਿੱਲੀ ਕੈਪੀਟਲਜ਼ ਵਿਚਕਾਰ ਖੇਡਿਆ ਜਾਵੇਗਾ। ਦੋਵੇਂ ਮੈਚ ਨਵੀਂ ਮੁੰਬਈ ਦੇ ਡੀ.ਵਾਈ. ਪਾਟਿਲ ਸਟੇਡੀਅਮ ਵਿੱਚ ਕਰਵਾਏ ਜਾਣਗੇ। ਪ੍ਰਬੰਧਕਾਂ ਅਨੁਸਾਰ, ਡਬਲਹੈਡਰ ਦਾ ਮੁੱਖ ਉਦੇਸ਼ ਵੱਧ ਤੋਂ ਵੱਧ ਦਰਸ਼ਕਾਂ ਨੂੰ ਉੱਚ ਪੱਧਰੀ ਮਹਿਲਾ ਕ੍ਰਿਕਟ ਨਾਲ ਜੋੜਨਾ ਹੈ।
ਇਸ ਵਾਰ ਟੂਰਨਾਮੈਂਟ ਵਿੱਚ ਕੁੱਲ ਪੰਜ ਟੀਮਾਂ ਹਿੱਸਾ ਲੈ ਰਹੀਆਂ ਹਨ ਅਤੇ ਲੀਗ ਪੜਾਅ ਦੌਰਾਨ 22 ਮੈਚ ਖੇਡੇ ਜਾਣਗੇ। ਅੱਜ ਦੇ ਦੋਵੇਂ ਮੁਕਾਬਲੇ ਸ਼ੁਰੂਆਤੀ ਦੌਰ ਵਿੱਚ ਖਾਸ ਮਹੱਤਵ ਰੱਖਦੇ ਹਨ, ਕਿਉਂਕਿ ਸ਼ੁਰੂ ਵਿੱਚ ਮਿਲੀ ਜਿੱਤ ਟੀਮਾਂ ਨੂੰ ਨਾ ਸਿਰਫ ਅੰਕ ਸੂਚੀ ਵਿੱਚ ਬਹਿਤਰੀ ਦਿੰਦੀ ਹੈ, ਸਗੋਂ ਮਨੋਵਿਗਿਆਨਕ ਫਾਇਦਾ ਵੀ ਪ੍ਰਦਾਨ ਕਰਦੀ ਹੈ।
WPL 2026 ਦੀ ਸ਼ੁਰੂਆਤ 9 ਜਨਵਰੀ ਨੂੰ ਹੋਈ ਸੀ। ਪਿਛਲੇ ਤਿੰਨ ਸੀਜ਼ਨਾਂ ਦੀ ਸਫਲਤਾ ਤੋਂ ਬਾਅਦ, ਇਸ ਵਾਰ ਵੀ ਲੀਗ ਨੂੰ ਦਰਸ਼ਕਾਂ ਵੱਲੋਂ ਭਾਰੀ ਸਮਰਥਨ ਮਿਲ ਰਿਹਾ ਹੈ। ਸਟੇਡੀਅਮ ਵਿੱਚ ਦਰਸ਼ਕਾਂ ਦੀ ਮੌਜੂਦਗੀ ਦੇ ਨਾਲ-ਨਾਲ ਮੈਚਾਂ ਦਾ ਸਿੱਧਾ ਪ੍ਰਸਾਰਣ ਟੈਲੀਵਿਜ਼ਨ ਅਤੇ ਡਿਜੀਟਲ ਪਲੇਟਫਾਰਮਾਂ ’ਤੇ ਕੀਤਾ ਜਾ ਰਿਹਾ ਹੈ।
ਕ੍ਰਿਕਟ ਮਾਹਿਰਾਂ ਦਾ ਮੰਨਣਾ ਹੈ ਕਿ ਅੱਜ ਦਾ ਪਹਿਲਾ ਡਬਲਹੈਡਰ ਨਾ ਸਿਰਫ ਸੀਜ਼ਨ ਦੀ ਗਤੀ ਨਿਰਧਾਰਤ ਕਰੇਗਾ, ਸਗੋਂ ਪਲੇਆਫ ਦੌੜ ਲਈ ਸ਼ੁਰੂਆਤੀ ਤਸਵੀਰ ਵੀ ਸਾਫ਼ ਕਰੇਗਾ।