Ankita Lokhande 70 Crore House: ਬਾਲੀਵੁੱਡ ਸਿਤਾਰੇ ਆਪਣੀ ਲਾਈਫਸਟਾਈਲ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰਦੇ ਹਨ। ਸਿਤਾਰੇ ਆਪਣੀਆਂ ਮਹਿੰਗੀਆਂ ਕਾਰਾਂ ਅਤੇ ਲਗਜ਼ਰੀ ਲਾਈਫ ਨਾਲ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਦੇ ਹਨ। ਹਰ ਕੋਈ ਬਾਲੀਵੁੱਡ ਸਿਤਾਰਿਆਂ ਦੇ ਮਹਿੰਗੇ ਅਤੇ ਆਲੀਸ਼ਾਨ ਘਰਾਂ ਦੀ ਗੱਲ ਕਰਦਾ ਹੈ। ਇਸ ਲਿਸਟ 'ਚ ਸ਼ਾਹਰੁਖ ਖਾਨ ਦਾ ਬੰਗਲਾ 'ਮੰਨਤ' ਅਤੇ ਅਮਿਤਾਭ ਬੱਚਨ ਦਾ ਘਰ 'ਜਲਸਾ' ਦਾ ਨਾਂ ਟਾਪ 'ਤੇ ਆਉਂਦਾ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਟੀਵੀ ਦੀ ਇੱਕ ਅਦਾਕਾਰਾ ਬਾਰੇ ਦੱਸਾਂਗੇ, ਜੋ 70 ਕਰੋੜ ਰੁਪਏ ਦੇ ਆਲੀਸ਼ਾਨ ਘਰ ਵਿੱਚ ਰਹਿੰਦੀ ਹੈ। ਪਿਛਲੇ ਕਈ ਦਿਨਾਂ ਤੋਂ ਅਦਾਕਾਰਾ ਆਪਣੇ ਘਰ ਨੂੰ ਲੈ ਕੇ ਸੁਰਖੀਆਂ ਬਟੋਰ ਰਹੀ ਹੈ।
ਦਰਅਸਲ, ਉਸਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਹ ਦੱਸਦੀ ਹੈ ਕਿ ਘਰ ਵਿੱਚ ਰੋਜ਼ਾਨਾ ਅੱਧੇ ਪਾਣੀ ਅਤੇ ਤੇਲ ਦੇ 35 ਦੀਵੇ ਜਗਦੇ ਹਨ। ਅਸੀਂ ਸਾਲ ਭਰ ਦੀਵਾਲੀ ਮਨਾਉਂਦੇ ਹਾਂ। ਇਹ ਅਦਾਕਾਰਾ ਕੋਈ ਹੋਰ ਨਹੀਂ ਸਗੋਂ 'ਪਵਿਤਰ ਰਿਸ਼ਤਾ' ਦੀ ਅਰਚਨਾ ਉਰਫ਼ ਅੰਕਿਤਾ ਲੋਖੰਡੇ ਹੈ।
ਅੰਕਿਤਾ ਲੋਖੰਡੇ ਟੈਲੀਵਿਜ਼ਨ ਇੰਡਸਟਰੀ ਦਾ ਮਸ਼ਹੂਰ ਚਿਹਰਾ ਹੈ। ਉਹ ਫਿਲਮਾਂ 'ਚ ਵੀ ਕੰਮ ਕਰ ਚੁੱਕੀ ਹੈ। ਉਹ ਸਲਮਾਨ ਖਾਨ ਦੇ ਸ਼ੋਅ 'ਬਿੱਗ ਬੌਸ 17' 'ਚ ਆਪਣੇ ਪਤੀ ਵਿੱਕੀ ਜੈਨ ਨਾਲ ਨਜ਼ਰ ਆਈ ਸੀ। ਇਹ ਜੋੜਾ ਇੱਕ ਆਲੀਸ਼ਾਨ ਘਰ ਦਾ ਮਾਲਕ ਹੈ। ਅੰਕਿਤਾ ਲੋਖੰਡੇ ਅਤੇ ਵਿੱਕੀ ਜੈਨ ਮੁੰਬਈ ਵਿੱਚ ਇੱਕ ਆਲੀਸ਼ਾਨ 8BHK ਅਪਾਰਟਮੈਂਟ ਵਿੱਚ ਰਹਿੰਦੇ ਹਨ। ਖਬਰਾਂ ਮੁਤਾਬਕ ਇਸ ਘਰ ਦੀ ਕੀਮਤ 70 ਕਰੋੜ ਰੁਪਏ ਹੈ। ਦੋਵੇਂ ਬਹੁਤ ਸ਼ਾਹੀ ਜੀਵਨ ਬਤੀਤ ਕਰਦੇ ਹਨ। ਉਨ੍ਹਾਂ ਦੇ ਘਰ ਦੇ ਸਾਹਮਣੇ ਵਾਲਾ 5 ਸਟਾਰ ਹੋਟਲ ਵੀ ਫੇਲ ਨਜ਼ਰ ਆਉਂਦਾ ਹੈ।
ਅੰਕਿਤਾ ਲੋਖੰਡੇ-ਵਿੱਕੀ ਜੈਨ ਦਾ ਆਲੀਸ਼ਾਨ ਘਰ
ਅੰਕਿਤਾ ਲੋਖੰਡੇ ਹਾਲ ਹੀ 'ਚ ਆਪਣੇ ਦੋਸਤਾਂ ਅਤੇ ਪਰਿਵਾਰ ਨਾਲ ਇੱਕ ਪਾਰਟੀ ਕੀਤੀ ਦੀ। ਕਾਮੇਡੀਅਨ ਭਾਰਤੀ ਸਿੰਘ ਨੇ ਆਪਣੇ ਵਲੌਗ ਰਾਹੀਂ ਅੰਕਿਤਾ ਦਾ ਘਰ ਦਿਖਾਇਆ ਸੀ। ਸਾਰਾ ਘਰ ਆਲ ਵ੍ਹਾਈਟ ਥੀਮ 'ਤੇ ਆਧਾਰਿਤ ਹੈ, ਜੋ ਇਕ ਮਹਿਲ ਵਰਗਾ ਲੱਗਦਾ ਹੈ।
ਇਸ ਘਰ ਦਾ ਸਭ ਤੋਂ ਸੁੰਦਰ ਹਿੱਸਾ ਇਸਦਾ ਲਿਵਿੰਗ ਰੂਮ ਹੈ, ਜਿਸ ਵਿਚ ਸਫੇਦ ਰੰਗ ਦੇ ਸ਼ਾਨਦਾਰ ਸੋਫੇ ਲੱਗੇ ਹੋਏ ਹਨ। ਇਸਦੇ ਨਾਲ ਨਾਲ ਘਰ ਦਾ ਵਾਲਪੇਪਰ ਵੀ ਬੁਹਤ ਹੀ ਖੂਬਸੂਰਤ ਹੈ, ਕੰਧ ਤੇ ਟੰਗੀਆਂ ਤਸਵੀਰਾਂ ਹੋਰ ਵੀ ਸੁੰਦਰ ਲਗਦੀਆਂ ਹਨ।
ਅੰਕਿਤਾ ਲੋਖੰਡੇ ਅਤੇ ਵਿੱਕੀ ਜੈਨ ਦਾ ਘਰ 19ਵੀਂ ਮੰਜ਼ਿਲ 'ਤੇ ਹੈ। ਘਰ ਦੇ ਨਾਲ-ਨਾਲ ਇਸ ਦਾ ਪ੍ਰਵੇਸ਼ ਦੁਆਰ ਵੀ ਬਹੁਤ ਵਧੀਆ ਹੈ। ਉਨ੍ਹਾਂ ਨੇ ਘਰ ਦੇ ਹਰ ਕੋਨੇ ਨੂੰ ਇਸ ਤਰ੍ਹਾਂ ਤਿਆਰ ਕੀਤਾ ਹੈ ਕਿ ਪ੍ਰੋਫੈਸ਼ਨਲ ਫੋਟੋਸ਼ੂਟ ਵੀ ਆਰਾਮ ਨਾਲ ਕੀਤਾ ਜਾ ਸਕਦਾ ਹੈ। ਅਦਾਕਾਰਾ ਆਪਣੇ ਘਰ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ, ਜਿਸ ਨੂੰ ਦੇਖ ਕੇ ਲੋਕ ਉਸ ਦੀ ਕਾਫੀ ਤਾਰੀਫ ਵੀ ਕਰਦੇ ਹਨ। ਉਸਦਾ ਸਾਰਾ ਘਰ ਵਾਈਟ ਥੀਮ ਤੇ ਅਧਾਰਤ ਨਹੀਂ ਹੈ। ਹਰ ਹਿੱਸੇ ਵਿਚ ਚਿੱਟੇ ਦੇ ਵੱਖੋ-ਵੱਖਰੇ ਰੰਗ ਦਿਖਾਈ ਦਿੰਦੇ ਹਨ। ਬਾਲਕੋਨੀ ਵਿੱਚ ਚਿੱਟੇ ਅਤੇ ਗ੍ਰੇ ਰੰਗ ਦਾ ਸੁਮੇਲ ਦਿਖਾਈ ਦਿੰਦਾ ਹੈ।
ਇਸ ਘਰ ਦੇ ਰੱਖ-ਰਖਾਅ ਦਾ ਖਰਚਾ ਵੀ ਕਰੋੜਾਂ ਰੁਪਏ ਵਿੱਚ ਚੱਲਦਾ ਹੈ। ਅਦਾਕਾਰਾ ਨੇ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਹੈ ਕਿ ਘਰ ਵਿੱਚ ਸਜਾਵਟ ਦਾ ਬਹੁਤ ਸਾਰਾ ਸਮਾਨ ਵਿਦੇਸ਼ ਤੋਂ ਖਰੀਦਿਆ ਗਿਆ ਹੈ।
ਉਨ੍ਹਾਂ ਦੇ ਘਰ ਦਾ ਬਾਥਰੂਮ ਵੀ ਬਹੁਤ ਖੂਬਸੂਰਤ ਹੈ, ਜਿਸ ਨੂੰ ਦੇਖ ਕੇ ਤੁਹਾਨੂੰ ਵੀ ਹੋਟਲ ਵਰਗਾ ਮਹਿਸੂਸ ਹੋਵੇਗਾ। ਘਰ ਨੂੰ ਵੱਖ-ਵੱਖ ਤਰ੍ਹਾਂ ਦੀਆਂ LED ਲਾਈਟਾਂ ਨਾਲ ਸਜਾਇਆ ਗਿਆ ਹੈ। ਅਪਾਰਟਮੈਂਟ ਦਾ ਫਲੈਟ ਨੰਬਰ 19 ਰੱਖਿਆ ਗਿਆ ਹੈ, ਜੋ ਅੰਕਿਤਾ ਲੋਖੰਡੇ ਦੀ ਜਨਮ ਮਿਤੀ ਨਾਲ ਮੇਲ ਖਾਂਦਾ ਹੈ।
ਰਣਬੀਰ ਕਪੂਰ ਅਤੇ ਅਜੇ ਦੇਵਗਨ ਦੇ ਘਰ ਤੋਂ ਮਹਿੰਗਾ ਹੈ ਅੰਕਿਤਾ ਦਾ ਘਰ
ਦੱਸ ਦਈਏ ਕਿ ਅੰਕਿਤਾ ਦਾ ਘਰ ਰਣਬੀਰ ਕਪੂਰ ਤੇ ਅਜੇ ਦੇਵਗਨ ਵਰਗੇ ਸੈਲੇਬਸ ਤੋਂ ਵੀ ਮਹਿੰਗਾ ਹੈ।ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਇਸ ਸਮੇਂ ਆਪਣੇ ਨਵੇਂ ਸੁਪਨਿਆਂ ਦੇ ਘਰ ਦੀ ਤਿਆਰੀ ਕਰ ਰਹੇ ਹਨ। ਉਨ੍ਹਾਂ ਦੇ ਨਵੇਂ ਘਰ ਦਾ ਕੰਮ ਕਾਫੀ ਸਮੇਂ ਤੋਂ ਚੱਲ ਰਿਹਾ ਹੈ। ਹਾਲਾਂਕਿ ਉਹ ਫਿਲਹਾਲ 'ਵਾਸਤੂ' 'ਚ ਰਹਿੰਦੇ ਹਨ ਪਰ ਦੋਵਾਂ ਦਾ ਵਿਆਹ ਵੀ ਉੱਥੇ ਹੀ ਹੋਇਆ ਸੀ। ਉਸਦਾ ਘਰ ਪਾਲੀ ਹਿੱਲ, ਬਾਂਦਰਾ, ਮੁੰਬਈ ਵਿੱਚ ਹੈ। ਘਰ ਦਾ ਇੰਟੀਰੀਅਰ ਡਿਜ਼ਾਈਨ ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਨੇ ਕੀਤਾ ਹੈ। ਖਬਰਾਂ ਮੁਤਾਬਕ ਇਸ ਦੀ ਕੀਮਤ 35 ਕਰੋੜ ਰੁਪਏ ਹੈ।
ਬਾਲੀਵੁੱਡ ਦੀ ਜੋੜੀ ਅਜੇ ਦੇਵਗਨ ਅਤੇ ਕਾਜੋਲ ਦੇ ਘਰ ਦਾ ਨਾਂ 'ਸ਼ਿਵਸ਼ਕਤੀ' ਹੈ। ਇਸ ਦੀ ਕੀਮਤ ਕਰੀਬ 60 ਕਰੋੜ ਰੁਪਏ ਹੈ। ਅੰਕਿਤਾ ਲੋਖੰਡੇ ਦਾ ਘਰ ਦੋਵਾਂ ਸੁਪਰਸਟਾਰਾਂ ਦੇ ਘਰਾਂ ਨਾਲੋਂ ਮਹਿੰਗਾ ਹੈ।