Neeru Bajwa Sister Rubina Bajwa Welcomes Her First Baby: ਪੰਜਾਬੀ ਅਦਾਕਾਰਾ ਨੀਰੂ ਬਾਜਵਾ ਦੀ ਭੈਣ ਰੂਬੀਨਾ ਇੱਕ ਵਾਰ ਫਿਰ ਤੋਂ ਸੁਰਖੀਆਂ ਵਿੱਚ ਛਾਈ ਹੋਈ ਹੈ। ਦਰਅਸਲ ਰੂਬੀਨਾ ਦੇ ਘਰ ਖੁਸ਼ੀਆਂ ਨੇ ਦਸਤਕ ਦਿੱਤੀ ਹੈ। ਰੂਬੀਨਾ ਨੇ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦਿੱਤਾ ਹੈ। ਦੱਸ ਦਈਏ ਕਿ ਇਹ ਖੁਸ਼ਖਬਰੀ ਖੁਦ ਰੂਬੀਨਾ ਦੇ ਪਤੀ ਗੁਰਬਖਸ਼ ਸਿੰਘ ਚਾਹਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਪੋਸਟ ਸ਼ੇਅਰ ਕਰਕੇ ਸਾਂਝੀ ਕੀਤੀ।
ਉਸਨੇ ਇੰਸਟਾ ਤੇ ਬੱਚੇ ਨਾਲ ਫੋਟੋ ਸ਼ੇਅਰ ਕਰਦਿਆਂ ਲਿਖਿਆ ਕਿ ਅੱਜ 15 ਨਵੰਬਰ 2024 ਨੂੰ ਮੈਂ ਤੇ ਰੂਬੀਨਾ ਨੇ ਆਪਣੇ ਪਹਿਲੇ ਬੱਚੇ ਗੁਰਬਖਸ਼ ਵੀਰ ਸਿੰਘ ਚਾਹਲ ਜੂਨੀਅਰ ਦਾ ਦੁਨੀਆ ਚ ਸਵਾਗਤ ਕੀਤਾ ਹੈ। ਅਸੀਂ ਇਸ ਖੁਸ਼ੀ ਦਾ ਇਜ਼ਹਾਰ ਸ਼ਬਦਾਂ ਚ ਨਹੀਂ ਕਰ ਸਕਦੇ। ਸਾਡੇ ਦਿਲ ਬੱਸ ਧੰਨਵਾਦ ਨਾਲ ਭਰੇ ਹੋਏ ਹਨ, ਕਿਉੰਕਿ ਪਰਮਾਤਮਾ ਨੇ ਬਹੁਤ ਵੱਡੀ ਖੁਸ਼ੀ ਸਾਡੀ ਝੋਲੀ ਪਾਈ ਹੈ।
ਇਸਦੇ ਨਾਲ ਹੀ ਰੂਬੀਨਾ ਨੇ ਵੀ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ ਤੇ ਇੱਕ ਪਿਆਰੀ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਓਹ ਆਪਣੇ ਪਤੀ ਨਾਲ ਹੈ ਤੇ ਦੋਵਾਂ ਆਪਣੇ ਬੱਚੇ ਦਾ ਹੱਥ ਫੜੇ ਨਜ਼ਰ ਆ ਰਹੇ ਹਨ। ਦੇਖੋ ਇਹ ਤਸਵੀਰ:
ਦੂਜੇ ਪਾਸੇ ਅਦਾਕਾਰਾ ਨੀਰੂ ਬਾਜਵਾ ਵੱਲੋਂ ਹਾਲੇ ਤੱਕ ਇਸ ਬਾਰੇ ਕੋਈ ਰੀਐਕਸ਼ਨ ਸਾਹਮਣੇ ਨਹੀਂ ਆਇਆ ਹੈ। ਦੱਸ ਦਈਏ ਕਿ ਰੂਬੀਨਾ ਬਾਜਵਾ ਤੇ ਗੁਰਬਖਸ਼ ਚਾਹਲ ਦਾ ਵਿਆਹ ਅਕਤੂਬਰ 2022 ਚ ਹੋਇਆ ਸੀ।