ਚੰਡੀਗੜ੍ਹ, 2 ਅਪ੍ਰੈਲ 2026 — ਪੰਜਾਬ ਸਰਕਾਰ ਦੇ ਲੋਕਲ ਗਵਰਨਮੈਂਟ ਵਿਭਾਗ ਨੇ ਨੋਟੀਫਿਕੇਸ਼ਨ ਜਾਰੀ ਕਰਦਿਆਂ ਦੱਸਿਆ ਕਿ ਸੂਬੇ ਦੀਆਂ 100 ਤੋਂ ਵੱਧ ਨਗਰ ਕੌਂਸਲਾਂ ਅਤੇ ਨਗਰ ਪੰਚਾਇਤਾਂ ਦੀ 5 ਸਾਲਾ ਮਿਆਦ ਅਪ੍ਰੈਲ ਤੋਂ ਜੂਨ 2026 ਵਿਚ ਖਤਮ ਹੋ ਰਹੀ ਹੈ। ਚੋਣਾਂ ਸਮੇਂ ‘ਤੇ ਨਾ ਹੋ ਸਕਣ ਕਾਰਨ, ਸਰਕਾਰ ਨੇ ਸੰਬੰਧਿਤ ਇਲਾਕਿਆਂ ਦੇ ਸਬ-ਡਿਵੀਜ਼ਨਲ ਮੈਜਿਸਟ੍ਰੇਟ (SDM) ਨੂੰ ਅਸਥਾਈ ਤੌਰ ‘ਤੇ ਪ੍ਰਸ਼ਾਸਨ ਸੰਭਾਲਣ ਲਈ ਨਿਯੁਕਤ ਕੀਤਾ ਹੈ।
ਕਿਹੜੇ ਇਲਾਕੇ ਪ੍ਰਭਾਵਿਤ
ਸਰਕਾਰੀ ਗਜ਼ਟ ਅਨੁਸਾਰ ਨਾਭਾ, ਮਲੇਰਕੋਟਲਾ, ਜ਼ੀਰਕਪੁਰ, ਪੱਟੀ, ਸੁਨਾਮ ਅਤੇ ਸਮਾਣਾ ਸਮੇਤ ਕਈ ਸ਼ਹਿਰਾਂ ਦੀ ਮਿਆਦ ਅਪ੍ਰੈਲ ਦੇ ਪਹਿਲੇ ਹਫ਼ਤੇ ਵਿੱਚ ਖਤਮ ਹੋ ਰਹੀ ਹੈ।
ਇਸ ਤੋਂ ਇਲਾਵਾ ਰਾਜਪੁਰਾ, ਫ਼ਿਰੋਜ਼ਪੁਰ, ਜਲਾਲਾਬਾਦ, ਮੋਗਾ, ਖੰਨਾ, ਮੰਸਾ, ਮੁਕਤਸਰ ਅਤੇ ਫ਼ਰੀਦਕੋਟ ਵਰਗੇ ਕਈ ਹੋਰ ਸ਼ਹਿਰਾਂ ਦੀ ਮਿਆਦ ਵੀ ਅਪ੍ਰੈਲ ਤੋਂ ਮਈ ਤੱਕ ਖਤਮ ਹੋਵੇਗੀ।
ਸਰਕਾਰ ਦਾ ਫ਼ੈਸਲਾ
ਨੋਟੀਫਿਕੇਸ਼ਨ ਵਿੱਚ ਦਰਸਾਇਆ ਗਿਆ ਹੈ ਕਿ ਚੋਣਾਂ ਮਿਆਦ ਪੂਰੀ ਹੋਣ ਤੋਂ ਪਹਿਲਾਂ ਨਹੀਂ ਕਰਵਾਈਆਂ ਜਾ ਸਕੀਆਂ। ਇਸ ਲਈ ਪੰਜਾਬ ਮਿਊਂਸਪਲ ਐਕਟ, 1911 ਦੀਆਂ ਧਾਰਾਵਾਂ ਅਧੀਨ SDM ਨੂੰ ਨਗਰ ਕੌਂਸਲਾਂ ਦੇ ਸਾਰੇ ਅਧਿਕਾਰ ਦਿੱਤੇ ਗਏ ਹਨ।
ਅਗਲਾ ਕਦਮ ਕੀ ਹੋਵੇਗਾ
ਇਹ ਪ੍ਰਬੰਧ ਅਸਥਾਈ ਹੈ ਅਤੇ ਨਵੀਆਂ ਨਗਰ ਕੌਂਸਲਾਂ ਦੀ ਰਚਨਾ (reconstitution) ਤੱਕ ਲਾਗੂ ਰਹੇਗਾ। ਚੋਣਾਂ ਦੀ ਨਵੀਂ ਤਾਰੀਖ ਬਾਰੇ ਅਜੇ ਕੋਈ ਐਲਾਨ ਨਹੀਂ ਕੀਤਾ ਗਿਆ।