ਪਿੰਕ ਟੈਸਟ : ਪਹਿਲੇ ਦਿਨ ਇੰਗਲੈਂਡ ਦੇ ਬੱਲੇਬਾਜ਼ਾਂ ਦਾ ਦਬਦਬਾ, ਮੀਂਹ ਨੇ ਰੋਕਿਆ ਮੈਚ, ਪਹਿਲੇ ਦਿਨ ਨਹੀਂ ਹੋ ਸਕੇ ਪੂਰੇ ਓਵਰ

ਸਿਡਨੀ:
ਆਸਟ੍ਰੇਲੀਆ ਅਤੇ ਇੰਗਲੈਂਡ ਵਿਚਕਾਰ ਖੇਡੀ ਜਾ ਰਹੀ ਐਸ਼ੇਜ਼ ਲੜੀ ਦੇ ਪੰਜਵੇਂ ਅਤੇ ਆਖਰੀ ਟੈਸਟ ਦੇ ਪਹਿਲੇ ਦਿਨ, ਜਿਸਨੂੰ ਪਿੰਕ ਟੈਸਟ ਵਜੋਂ ਸਮਰਪਿਤ ਕੀਤਾ ਗਿਆ ਹੈ, ਵਿਚ ਮੀਂਹ ਅਤੇ ਮਾੜੀ ਰੌਸ਼ਨੀ ਨੇ ਖੇਡ ਵਿਚ ਵਾਰ-ਵਾਰ ਅੜਿਕੇ ਪਾਏ । ਇਸਦੇ ਬਾਵਜੂਦ, ਇੰਗਲੈਂਡ ਦੇ ਤਜਰਬੇਕਾਰ ਬੱਲੇਬਾਜ਼ Joe Root ਅਤੇ ਨੌਜਵਾਨ ਸਟਾਰ Harry Brook ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ ਪਹਿਲੇ ਦਿਨ ਇੰਗਲੈਂਡ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾ ਦਿੱਤਾ।
ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਇੰਗਲੈਂਡ ਦੀ ਟੀਮ ਨੇ ਦਿਨ ਦੇ ਅੰਤ ਤੱਕ 3 ਵਿਕਟਾਂ ਦੇ ਨੁਕਸਾਨ ’ਤੇ 211 ਦੌੜਾਂ ਬਣਾ ਲਈਆਂ। ਇਸ ਪਰੀ ਵਿਚ ਜੋ ਰੂਟ ਨੇ ਪਹਿਲੇ ਦਿਨ 72 ਅਤੇ ਹੈਰੀ ਬਰੂਕ 78 ਦੌੜਾਂ ’ਤੇ  ਨਾਬਾਦ ਰਹੇ। ਦੋਹਾਂ ਨੇ ਚੌਥੀ ਵਿਕਟ ਲਈ 150 ਤੋਂ ਵੱਧ ਦੌੜਾਂ ਦੀ ਨਾਬਾਦ ਸਾਂਝੇਦਾਰੀ ਕਰਕੇ ਆਸਟ੍ਰੇਲੀਆਈ ਗੇਂਦਬਾਜ਼ਾਂ ’ਤੇ ਦਬਦਬਾ ਕਾਇਮ ਕੀਤਾ।
ਮੀਂਹ ਅਤੇ ਖਰਾਬ ਰੌਸ਼ਨੀ ਕਾਰਨ ਦਿਨ ਭਰ ਖੇਡ ਵਿੱਚ ਵਿਘਨ ਪੈਂਦਾ ਰਿਹਾ ਅਤੇ ਆਖ਼ਿਰਕਾਰ ਸਮੇਂ ਤੋਂ ਪਹਿਲਾਂ ਖੇਡ ਰੋਕਣੀ ਪਈ। ਪਹਿਲੇ ਦਿਨ ਸਿਰਫ਼ 45 ਓਵਰਾਂ ਦਾ ਹੀ ਮੈਚ ਹੋ ਸਕਿਆ ਹੀ । ਆਸਟ੍ਰੇਲੀਆ ਨੂੰ ਸ਼ੁਰੂ ਵਿੱਚ ਕੁਝ ਸਫਲਤਾ ਮਿਲੀ, ਪਰ ਉਸ ਤੋਂ ਬਾਅਦ ਰੂਟ ਅਤੇ ਬਰੂਕ ਨੇ ਸੰਭਾਲ ਕੇ ਪਾਰੀ ਨੂੰ ਅੱਗੇ ਵਧਾਇਆ ਅਤੇ ਹਮਲਾਵਰ ਪਰ ਸੰਤੁਲਿਤ ਪ੍ਰਦਰਸ਼ਨ ਕਰਦਿਆਂ ਇੰਗਲੈਂਡ ਨੂੰ ਮਜ਼ਬੂਤ ਸਥਿਤੀ ਵਿਚ ਲਿਆ ਕੇ ਖੜ੍ਹਾ ਕਰ ਦਿਤਾ। 
ਇਹ ਪਿੰਕ ਟੈਸਟ ਐਸ਼ੇਜ਼ ਲੜੀ ਦਾ ਫੈਸਲਾਕੁੰਨ ਮੁਕਾਬਲਾ ਮੰਨਿਆ ਜਾ ਰਿਹਾ ਹੈ, ਇਸ ਲਈ ਇੰਗਲੈਂਡ ਦੀ ਇਹ ਸ਼ੁਰੂਆਤ ਉਨ੍ਹਾਂ ਨੂੰ ਵੱਡੇ ਸਕੋਰ ਵੱਲ ਲੈ ਜਾ ਸਕਦੀ ਹੈ। ਹੁਣ ਖੇਡ ਪ੍ਰੇਮੀਆਂ ਦੀਆਂ ਨਜ਼ਰਾਂ ਦੂਜੇ ਦਿਨ ਦੇ ਖੇਡ ’ਤੇ ਟਿਕੀਆਂ ਹਨ, ਜਿੱਥੇ ਮੌਸਮ ਇੱਕ ਵਾਰ ਫਿਰ ਸਭ ਤੋਂ ਵੱਡੀ ਚੁਣੌਤੀ ਬਣ ਸਕਦਾ ਹੈ।

ਸਕੋਰ ਬੋਰਡ (ਦਿਨ- 1)
ਇੰਗਲੈਂਡ: 211/3
ਜੋ ਰੂਟ: 72*
ਹੈਰੀ ਬਰੂਕ: 78*

ਮੈਚ ਵਿਚਵਿਘਨ ਦਾ ਕਾਰਨ: ਮੀਂਹ ਅਤੇ ਖਰਾਬ ਰੌਸ਼ਨੀ
ਦੂਜੇ ਦਿਨ ਇੰਗਲੈਂਡ ਆਪਣੀ ਪਾਰੀ ਨੂੰ ਹੋਰ ਅੱਗੇ ਵਧਾਉਣ ਦੀ ਕੋਸ਼ਿਸ਼ ਕਰੇਗਾ, ਜਦਕਿ ਆਸਟ੍ਰੇਲੀਆ ਮੈਚ ਵਿੱਚ ਵਾਪਸੀ ਲਈ ਰਣਨੀਤੀ ਬਣਾਏਗਾ।