Aishwarya Rai Daughter Aaradhya Bachchan Birthday: ਅਭਿਸ਼ੇਕ ਬੱਚਨ ਅਤੇ ਐਸ਼ਵਰਿਆ ਰਾਏ ਦਾ ਰਿਸ਼ਤਾ ਪਿਛਲੇ ਕੁਝ ਸਾਲਾਂ ਤੋਂ ਗਲਤ ਕਾਰਨਾਂ ਕਰਕੇ ਸੁਰਖੀਆਂ 'ਚ ਹੈ। ਇਸ ਜੋੜੇ ਨੂੰ ਕਦੇ ਪਾਵਰ ਕਪਲ ਵਜੋਂ ਜਾਣਿਆ ਜਾਂਦਾ ਸੀ, ਪਰ ਹੁਣ ਕਈ ਰਿਪੋਰਟਾਂ ਦੱਸਦੀਆਂ ਹਨ ਕਿ ਇਹ ਜੋੜਾ ਵੱਖ ਹੋਣ ਵੱਲ ਵਧ ਰਿਹਾ ਹੈ। ਇੰਟਰਨੈੱਟ 'ਤੇ ਕਈ ਕਾਰਨਾਂ ਦੀ ਚਰਚਾ ਹੋ ਰਹੀ ਹੈ, ਜਿਸ ਵਿਚ ਐਸ਼ ਤੇ ਅਭਿਸ਼ੇਕ ਦੇ ਅਲੱਗ ਹੋਣ ਦੀ ਵਜ੍ਹਾ ਅਭੀ ਦੀ ਮਾਂ ਜਯਾ ਬੱਚਨ ਤੇ ਉਸਦੀ ਧੀ ਸ਼ਵੇਤਾ ਨੂੰ ਮੰਨਿਆ ਜਾ ਰਿਹਾ ਹੈ। ਇਸ ਸਭ ਦੇ ਵਿਚਕਾਰ ਅਭਿਸ਼ੇਕ ਬੱਚਨ ਨੇ ਆਪਣੀ ਬੇਟੀ ਆਰਾਧਿਆ ਨੂੰ ਜਨਮਦਿਨ 'ਤੇ ਵੀ ਵਿਸ਼ ਨਹੀਂ ਕੀਤਾ ਹੈ।
ਐਸ਼ਵਰਿਆ ਰਾਏ ਅਤੇ ਅਭਿਸ਼ੇਕ ਬੱਚਨ ਕਥਿਤ ਤੌਰ 'ਤੇ ਆਪਣੀ ਬੇਟੀ ਆਰਾਧਿਆ ਦੀ ਭਲਾਈ ਕਾਰਨ ਕਾਨੂੰਨੀ ਤੌਰ 'ਤੇ ਵੱਖ ਨਹੀਂ ਹੋ ਰਹੇ ਹਨ। ਆਰਾਧਿਆ ਨੇ 16 ਨਵੰਬਰ 2024 ਨੂੰ ਆਪਣਾ ਜਨਮਦਿਨ ਮਨਾਇਆ ਪਰ ਦੋਵਾਂ ਨੇ ਸੋਸ਼ਲ ਮੀਡੀਆ 'ਤੇ ਉਸ ਲਈ ਕੁਝ ਵੀ ਪੋਸਟ ਨਹੀਂ ਕੀਤਾ।
ਆਰਾਧਿਆ ਦੇ ਜਨਮਦਿਨ ਦਾ ਵੀਡੀਓ
ਵਾਇਰਲ ਵੀਡੀਓ 'ਚ ਐਸ਼ਵਰਿਆ ਆਪਣੀ ਬੇਟੀ ਆਰਾਧਿਆ ਦਾ ਜਨਮਦਿਨ ਬੜੇ ਉਤਸ਼ਾਹ ਨਾਲ ਮਨਾਉਂਦੀ ਨਜ਼ਰ ਆ ਰਹੀ ਹੈ। ਉਹ ਆਪਣੇ ਜਨਮਦਿਨ ਦਾ ਕੇਕ ਕੱਟਣ ਲਈ ਤਿਆਰ ਹੋ ਰਹੀ ਹੈ ਅਤੇ ਉਸਦੇ ਸਾਰੇ ਦੋਸਤ ਉਸਦੇ ਨਾਲ ਖੜੇ ਹਨ। ਵੀਡੀਓ 'ਚ ਜਯਾ ਬੱਚਨ ਵੀ ਕੁਝ ਦੂਰੀ 'ਤੇ ਖੜ੍ਹੀ ਨਜ਼ਰ ਆ ਰਹੀ ਹੈ, ਜਦਕਿ ਅਭਿਸ਼ੇਕ ਬੱਚਨ ਆਰਾਧਿਆ ਦੇ ਬਿਲਕੁਲ ਪਿੱਛੇ ਖੜ੍ਹੇ ਹਨ। ਇਸਦੇ ਅਲਾਵਾ ਸਭਦੇ ਚਿਹਰੇ ਦੇ ਹਾਵਭਾਵ ਵੀ ਠੰਡੇ ਜਿਹੇ ਹੀ ਨਜ਼ਰ ਆ ਰਹੇ ਹਨ। ਦੇਖੋ ਵੀਡੀਓ:
https://www.instagram.com/reel/DCa0eGnBzGQ/?igsh=MXU4dmJxYzRzZW1waA==
ਜਨਮਦਿਨ 'ਤੇ ਪੂਰਾ ਬੱਚਨ ਪਰਿਵਾਰ
ਜਿੱਥੇ ਇਹ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਰਿਹਾ ਹੈ, ਉੱਥੇ ਹੀ ਜੋੜੇ ਦੇ ਪ੍ਰਸ਼ੰਸਕ ਇਸ ਗੱਲ ਤੋਂ ਖੁਸ਼ ਹਨ ਕਿ ਅਭਿਸ਼ੇਕ ਅਤੇ ਐਸ਼ਵਰਿਆ ਨੇ ਆਪਣੀ ਬੇਟੀ ਦੀ ਖ਼ਾਤਰ ਸੁਲ੍ਹਾ ਕਰ ਲਈ ਹੈ। ਪਰ ਸਮੱਸਿਆ ਇਹ ਹੈ ਕਿ ਇਹ ਵੀਡੀਓ ਪੁਰਾਣੀ ਹੈ। ਫਿਲਹਾਲ ਦੋਵਾਂ ਵੱਲੋਂ ਆਪਣੀ ਬੇਟੀ ਦੇ ਜਨਮਦਿਨ ਨੂੰ ਲੈ ਕੇ ਕੋਈ ਅਧਿਕਾਰਤ ਫੋਟੋ ਜਾਂ ਵੀਡੀਓ ਸ਼ੇਅਰ ਨਹੀਂ ਕੀਤਾ ਗਿਆ ਹੈ।