AIshwarya Rai Removes Bachchan From Her Surname: ਐਸ਼ਵਰਿਆ ਰਾਏ ਸਮੇਤ ਇੰਨੀਂ ਦਿਨੀਂ ਪੂਰਾ ਬੱਚਨ ਪਰਿਵਾਰ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਇਸ ਦੀ ਵਜ੍ਹਾ ਹੈ ਐਸ਼ਵਰਿਆ ਤੇ ਉਸ ਦੇ ਪਤੀ ਅਭਿਸ਼ੇਕ ਵਿਚਾਲੇ ਤਲਾਕ ਦੀਆਂ ਖਬਰਾਂ। ਲੰਬੇ ਸਮੇਂ ਤੋਂ ਇਹ ਖਬਰਾਂ ਆ ਰਹੀਆਂ ਹਨ ਕਿ ਜਾਂ ਤਾਂ ਐਸ਼ ਤੇ ਅਭਿਸ਼ੇਕ ਜਲਦ ਤਲਾਕ ਲੈਣ ਰਹੇ ਹਨ, ਜਾਂ ਫਿਰ ਉਨ੍ਹਾਂ ਦੋਵਾਂ ਨੇ ਚੋਰੀ ਚੁਪਕੇ ਤਲਾਕ ਲੈ ਲਿਆ ਹੈ।
ਹਾਲ ਹੀ 'ਚ ਐਸ਼ਵਰਿਆ ਨੇ ਕੁੱਝ ਅਜਿਹਾ ਕੀਤਾ ਹੈ, ਜਿਸ ਤੋਂ ਬਾਅਦ ਤਲਾਕ ਦੀਆਂ ਖਬਰਾਂ ਨੂੰ ਫਿਰ ਤੋਂ ਹਵਾ ਮਿਲ ਰਹੀ ਹੈ। ਦਰਅਸਲ, ਹਾਲ ਹੀ 'ਚ ਐਸ਼ ਨੇ ਦੁਬਈ ਵਿੱਚ ਗਲੋਬਲ ਵੂਮੈਨ ਫੋਰਮ ਸਮਾਗਮ ਵਿੱਚ ਸ਼ਿਰਕਤ ਕੀਤੀ, ਜਿੱਥੇ ਉਸਨੇ ਮਹਿਲਾ ਸਸ਼ਕਤੀਕਰਨ ਬਾਰੇ ਗੱਲ ਕੀਤੀ। ਇਵੈਂਟ ਵਿੱਚ, ਉਸਨੇ ਕਈ ਖੇਤਰਾਂ ਵਿੱਚ ਔਰਤਾਂ ਦੇ ਕੰਮ ਅਤੇ ਯਤਨਾਂ ਦੀ ਸ਼ਲਾਘਾ ਕੀਤੀ ਜਦੋਂ ਐਸ਼ਵਰਿਆ ਸਟੇਜ 'ਤੇ ਆਈ, ਤਾਂ ਉਸਦਾ ਨਾਮ ਅਤੇ ਪ੍ਰੋਫੈਸ਼ਨ "ਐਸ਼ਵਰਿਆ ਰਾਏ - ਇੰਟਰਨੈਸ਼ਨਲ ਸਟਾਰ" ਨੂੰ ਬੈਕਗ੍ਰਾਉਂਡ ਵਿੱਚ ਇੱਕ ਵੱਡੀ ਸਕ੍ਰੀਨ 'ਤੇ ਦਿਖਾਇਆ ਗਿਆ। ਤਲਾਕ ਦੀਆਂ ਅਫਵਾਹਾਂ ਦਰਮਿਆਨ ਐਸ਼ ਦੇ ਸਰਨੇਮ ਤੋਂ 'ਬੱਚਨ' ਨੂੰ ਹਟਾਉਣ 'ਤੇ ਲੋਕ ਹੈਰਾਨ ਹਨ।
ਐਸ਼ਵਰਿਆ ਰਾਏ ਨੇ ਦੁਬਈ ਈਵੈਂਟ 'ਚ ਹਟਾ ਦਿੱਤਾ 'ਬੱਚਨ' ਸਰਨੇਮ
ਸੋਸ਼ਲ ਮੀਡੀਆ 'ਤੇ ਲੋਕਾਂ ਦਾ ਕਹਿਣਾ ਹੈ ਕਿ ਐਸ਼ਵਰਿਆ ਨੇ ਆਪਣੇ ਨਾਂ ਤੋਂ ਬੱਚਨ ਸਰਨੇਮ ਹਟਾ ਕੇ ਵੱਡਾ ਸੰਕੇਤ ਦਿੱਤਾ ਹੈ। ਇਸ ਦੇ ਨਾਲ ਹੀ, ਕੁਝ ਪ੍ਰਸ਼ੰਸਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਇੰਸਟਾਗ੍ਰਾਮ ਅਕਾਉਂਟ 'ਤੇ ਉਨ੍ਹਾਂ ਦੇ ਨਾਮ ਦੇ ਨਾਲ ਬੱਚਨ ਸਰਨੇਮ ਅਜੇ ਵੀ ਮੌਜੂਦ ਹੈ, ਅਜਿਹੇ ਵਿੱਚ ਸੰਭਵ ਹੈ ਕਿ ਦੁਬਈ ਇਵੈਂਟ ਦੇ ਵੀਡੀਓ ਵਿੱਚ ਸਪੇਸ ਜਾਂ ਪੇਸ਼ੇਵਰ ਪ੍ਰਤੀਨਿਧਤਾ ਲਈ ਉਨ੍ਹਾਂ ਦਾ ਪਹਿਲਾ ਨਾਮ ਵਰਤਿਆ ਗਿਆ ਹੈ।