Sunny Deol Post On Dharmendra: ਸਨੀ ਦਿਓਲ ਓਹ ਨਾਮ ਹੈ ਜੋ ਕਿਸੇ ਜਾਣ ਪਹਿਚਾਣ ਦਾ ਮੋਹਤਾਜ ਨਹੀਂ ਹੈ। ਸਨੀ ਦਿਓਲ ਭਾਵੇਂ ਬਾਲੀਵੁੱਡ ਦੇ ਲੀਜੈਂਡ ਸਟਾਰ ਧਰਮਿੰਦਰ ਦੇ ਪੁੱਤਰ ਹਨ, ਪਰ ਉਹਨਾਂ ਨੇ ਫਿਲਮ ਇੰਡਸਟਰੀ ਵਿੱਚ ਆਪਣੇ ਦਮ ਤੇ ਜ਼ਬਰਦਸਤ ਮੁਕਾਮ ਹਾਸਿਲ ਕੀਤਾ ਹੈ। ਪਿਛਲੇ ਸਾਲ ਸਨੀ ਦਿਓਲ ਨੇ ਫਿਲਮ ਗ਼ਦਰ 2 ਨਾਲ ਧਮਾਕੇਦਾਰ ਕਮਬੈਕ ਕੀਤਾ ਸੀ।
ਹੁਣ ਸਨੀ ਪਾਜੀ ਇੱਕ ਵਾਰ ਫਿਰ ਤੋਂ ਸੁਰਖੀਆਂ ਵਿੱਚ ਆ ਗਏ ਹਨ। ਇਸ ਦਾ ਕਾਰਨ ਓਹਨਾ ਦੀ ਕੋਈ ਫਿਲਮ ਨਹੀਂ, ਸਗੋਂ ਐਕਟਰ ਦੀ ਇੱਕ ਸੋਸ਼ਲ ਮੀਡੀਆ ਪੋਸਟ ਹੈ। ਜੀ ਹਾਂ, ਸਨੀ ਦਿਓਲ ਨੇ ਆਪਣੇ ਪਿਤਾ ਧਰਮਿੰਦਰ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਪਰ ਇਹਨਾਂ ਤਸਵੀਰਾਂ ਦੀ ਕੈਪਸ਼ਨ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ। ਦਰਅਸਲ ਇਹਨਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦਿਆਂ ਸਨੀ ਦਿਓਲ ਨੇ ਲਿਖਿਆ, 'ਪਾਪਾ ਆਈ ਮਿਸ ਯੂ'। ਇਹੀ ਨਹੀਂ ਬੌਬੀ ਤੇ ਈਸ਼ਾ ਦਿਓਲ ਨੇ ਵੀ ਇਸ ਪੋਸਟ ਤੇ ਕਮੇਂਟ ਕੀਤੇ ਹਨ। ਹੁਣ ਫੈਨਸ ਆਪਣੇ ਚਹੇਤੇ ਸੁਪਰਸਟਾਰ ਦੀ ਸਿਹਤ ਨੂੰ ਲੈਕੇ ਚਿੰਤਾ ਵਿੱਚ ਪੈ ਗਏ ਹਨ ਕਿ ਆਖਿਰ ਸਨੀ ਦਿਓਲ ਨੇ ਇਹ ਕੇਪਸ਼ਨ ਕਿਉੰ ਲਿਖੀ। ਦੇਖੋ ਇਹ ਤਸਵੀਰਾਂ:
ਫੈਨਜ਼ ਨੇ ਕੀਤੇ ਅਜਿਹੇ ਕਮੈਂਟਸ
ਦੱਸ ਦਈਏ ਕਿ ਧਰਮਿੰਦਰ ਦੇ ਫੈਨਜ਼ ਇਸ ਪੋਸਟ ਨੂੰ ਲੈਕੇ ਚਿੰਤਾ ਵਿਚ ਹਨ ਅਤੇ ਓਹ ਕਮੈਂਟਸ ਕਰਕੇ ਧਰਮਿੰਦਰ ਦੀ ਖੈਰੀਅਤ ਪੁੱਛ ਰਹੇ ਹਨ। ਇੱਕ ਫੈਨ ਨੇ ਲਿਖਿਆ, "ਸਬ ਠੀਕ ਤਾਂ ਹੈ?" ਇੱਕ ਹੋਰ ਫੈਨ ਮੇ ਕਮੇਂਟ ਕੀਤਾ, ਪਲੀਜ਼ ਐਵੇਂ ਦੀ ਕੇਪਸ਼ਨ ਨਾ ਲਿਖਿਆ ਕਰੋ, ਮੈਂ ਤਾਂ ਡਰ ਹੀ ਗਿਆ ਸੀ।
ਇਸਦੇ ਨਾਲ ਨਾਲ ਬੌਬੀ ਤੇ ਈਸ਼ਾ ਦਿਓਲ ਨੇ ਵੀ ਇਸ ਪੋਸਟ ਤੇ ਕਮੇਂਟ ਕੀਤਾ ਹੈ। ਇਹਨਾਂ ਦੋਵਾਂ ਨੇ ਇਸ ਪੋਸਟ ਤੇ ਦਿਲ ਵਾਲੀ ਇਮੋਜੀ ਬਣਾਈ ਹੈ।
ਕਾਬਲੇਗ਼ੌਰ ਹੈ ਕੇ ਧਰਮਿੰਦਰ ਲਗਭਗ 6 ਦਹਾਕਿਆਂ ਤੋਂ ਬਾਲੀਵੁੱਡ ਇੰਡਸਟਰੀ ਤੇ ਰਾਜ ਕਰ ਰਹੇ ਹਨ। ਓਹ 88 ਦੀ ਉਮਰ ਚ ਵੀ ਫਿਲਮਾਂ ਚ ਲਗਾਤਾਰ ਐਕਟਿਵ ਹਨ। ਓਹਨਾ ਨੂੰ ਪਿਛਲੇ ਸਾਲ ਫਿਲਮ ' ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ ' ਵਿੱਚ ਦੇਖਿਆ ਗਿਆ ਸੀ। ਇਸਦੇ ਨਾਲ ਨਾਲ ਧਰਮ ਪਾਜੀ ਸੋਸ਼ਲ ਮੀਡੀਆ ਤੇ ਵੀ ਕਾਫੀ ਅਕਟਿਵ ਰਹਿੰਦੇ ਹਨ। ਓਹ ਅਕਸਰ ਸੋਸ਼ਲ ਮੀਡੀਆ ਤੇ ਆਪਣੇ ਪੁਰਾਣੇ ਦੌਰ ਨੂੰ ਯਾਦ ਕਰਦੇ ਹਨ ਅਤੇ ਪੁਰਾਣੀ ਪੋਸਟਾਂ ਤੇ ਗੀਤ ਸ਼ੇਅਰ ਕਰਦੇ ਰਹਿੰਦੇ ਹਨ।