ਸੈਮੀਫਾਈਨਲ 'ਚ ਭਾਰਤ ਬੈਲਜੀਅਮ ਤੋਂ 5-2 ਨਾਲ ਹਾਰਿਆ ਭਾਰਤ
ਟੋਕੀਓ : ਇਕ ਦਿਨ ਦੀ ਜਿੱਤ ਮਗਰੋਂ ਅੱਜ ਭਾਰਤੀ ਹਾਕੀ ਟੀਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਤਾਜਾ ਮਿਲੀ ਜਾਣਕਾਰੀ ਅਨੁਸਾਰ ਓਲੰਪਿਕਸ ਵਿੱਚ ਪੁਰਸ਼ਾਂ ਦੇ ਹਾਕੀ ਦੇ ਸੈਮੀਫਾਈਨਲ ਮੁਕਾਬਲੇ ਵਿੱਚ ਬੈਲਜੀਅਮ ਨੇ ਭਾਰਤ ਨੂੰ 5-2 ਨਾਲ ਮਾਤ ਦੇ ਦਿਤੀ ਹੈ। ਆਖਰੀ ਮਿੰਟਾਂ ਵਿੱਚ, ਸ਼੍ਰੀਜੇਸ਼ ਗੋਲ ਪੋਸਟ ਛੱਡ ਕੇ ਬਾਹਰ ਚਲਾ ਗਿਆ ਅਤੇ ਬੈਲਜੀਅਮ ਨੇ ਇਸਦਾ ਪੂਰਾ ਲਾਭ ਉਠਾਉਂਦਿਆ ਇੱਕ ਹੋਰ ਗੋਲ ਕੀਤਾ। ਇਸ ਨਾਲ ਭਾਰਤ ਦਾ ਸੋਨ ਤਮਗ਼ਾ ਖੁਸ ਗਿਆ ਹੈ। ਮੈਚ ਦਾ ਪਹਿਲਾ ਅੱਧ ਮੁੱਕਣ ਤੱਕ ਦੋਹੇਂ ਟੀਮਾਂ ਦੋ-ਦੋ ਗੋਲ ਨਾਲ ਬਰਾਬਰੀ 'ਤੇ ਸਨ। ਹੈਂਡਰਿਕਸ ਨੇ ਅੰਤਿਮ ਕੁਆਰਟਰ ਵਿੱਚ 2 ਹੋਰ ਗੋਲ ਕੀਤੇ ਜਿਸ ਨਾਲ ਬੈਲਜੀਅਮ ਦੀ ਚੜਤ ਹੋ ਗਈ। ਜੌਨ-ਜੌਨ ਡੋਮੈਨ ਨੇ ਪੰਜਵਾਂ ਗੋਲ ਕਰ ਕੇ ਬੈਲਜੀਅਮ ਨੂੰ ਜਿਤ ਦੁਆਈ ਹੈ। ਹੁਣ ਭਾਰਤ ਫਾਈਨਲ ਵਿਚੋਂ ਬਾਹਰ ਹੋ ਗਿਆ ਹੈ। ਪੁਰਸ਼ ਹਾਕੀ ਕਾਂਸੀ ਦੇ ਤਮਗ਼ੇ ਦੇ ਮੁਕਾਬਲੇ ਹੁਣ ਭਾਰਤ ਦਾ ਸਾਹਮਣਾ ਆਸਟਰੇਲੀਆ ਜਾਂ ਜਰਮਨੀ ਨਾਲ ਹੋਵੇਗਾ।