ਸੰਜੇ ਲੀਲਾ ਭੰਸਾਲੀ ਵੱਲੋਂ ਨਿਰਦੇਸ਼ਿਤ ਆਲੀਆ ਭੱਟ ਸਟਾਰਰ ਫਿਲਮ 'ਗੰਗੂਬਾਈ ਕਾਠੀਆਵਾੜੀ' ਅਭਿਨੇਤਰੀ ਦੇ ਕਰੀਅਰ ਦੀ ਸਭ ਤੋਂ ਸਫਲ ਫਿਲਮਾਂ ਵਿੱਚੋਂ ਇੱਕ ਹੈ। ਇਸ ਦੇ ਲਈ ਆਲੀਆ ਨੂੰ ਨਾ ਸਿਰਫ ਪ੍ਰਸ਼ੰਸਾ ਮਿਲੀ, ਸਗੋਂ 'ਗੰਗੂਬਾਈ ਕਾਠੀਆਵਾੜੀ' ਨੇ ਵੀ ਬਾਕਸ ਆਫਿਸ 'ਤੇ ਖੂਬ ਕਮਾਈ ਕੀਤੀ ਸੀ। ਫਿਲਮ ਵਿੱਚ ਗੰਗੂਬਾਈ ਨਾਮ ਦੀ ਇੱਕ ਵੇਸਵਾ ਦੇ ਜੀਵਨ ਦੇ ਸੰਘਰਸ਼ ਨੂੰ ਦਿਖਾਇਆ ਗਿਆ ਸੀ, ਜਿਸਨੂੰ ਪਰਦੇ ਉੱਤੇ ਆਲੀਆ ਭੱਟ ਨੇ ਨਿਭਾਇਆ ਸੀ। ਫਿਲਮ 'ਚ ਕਈ ਅਜਿਹੇ ਸੀਨ ਸਨ, ਜਿਸ ਨੂੰ ਦੇਖ ਕੇ ਦਰਸ਼ਕਾਂ ਦੇ ਰੌਂਗਟੇ ਖੜ੍ਹੇ ਹੋ ਗਏ ਪਰ ਇਨ੍ਹਾਂ ਸਾਰੇ ਸੀਨਜ਼ ਵਿਚਾਲੇ ਇਸ ਫਿਲਮ ਦੀ ਸ਼ੁਰੂਆਤ 'ਚ ਇਕ ਸੀਨ ਸੀ ਜਿਸ 'ਚ ਆਲੀਆ ਕੋਠੇ ਦੇ ਬਾਹਰ ਖੜ੍ਹੀ ਹੋ ਕੇ ਗਾਹਕ ਨੂੰ ਇਸ਼ਾਰਿਆਂ ਨਾਲ ਬੁਲਾਉਂਦੀ ਹੈ। ਆਲੀਆ ਦਾ ਇਹ ਸੀਨ ਫਿਲਮ ਦੇ ਬਿਹਤਰੀਨ ਸੀਨਜ਼ 'ਚੋਂ ਇਕ ਹੈ। ਹੁਣ ਆਲੀਆ ਦੇ ਇਸ ਸੀਨ ਦਾ ਇਸਤੇਮਾਲ ਕਰਦੇ ਹੋਏ ਪਾਕਿਸਤਾਨੀ ਰੈਸਟੋਰੈਂਟ ਨੇ ਅਜਿਹੀ ਮਾਰਕੀਟਿੰਗ ਰਣਨੀਤੀ ਅਪਣਾਈ ਹੈ, ਜਿਸ ਨੂੰ ਦੇਖ ਕੇ ਲੋਕ ਗੁੱਸੇ 'ਚ ਹਨ।